الوصف

    معلومات هتفيدك لو هتعمل مطبخك:
    ١-مهم اوي يتعمل تصميم للمطبخ من قبل حد متخصص عشان توزيع الاجهزة في المطبخ وبالتالي اخذ بلان توزيع للسباكة و الكهربا مظبوط واحقق افضل استغلال وديزاين للمطبخ
    ٢-ارتفاع الوحدات السفلية ٨٧ سم والعلوية من ٦٥ سم ل ٩٠ سم والمسافة بين الوحدات ٥٢ سم دة الاستاندرد العالمي
    ٣-الشفاط اللي فوق البوتجاز او المسطح مهم جدا لانة بيسحب تقريبا ٨٠٪؜ من الابخرة و الدهون
    ٤- ارتفاع مخرج كهرباء الشفاط علي ٢ متر
    ٥- مهم اوي عمل مدخنة طرد للشفاط بلاش الفلاتر مش بنفس الكفاءة وعمرها الافتراضي قليل
    ٦-مفيش حاجة اسمها مطابخ الوميتال دية بدعة مش موجودة الا في كام دولة عربية
    ٧- سواء هتشتري مطبخ بالمتر الطولي او المربع او بالوحدة او باي وحدة قياس ..مواصفة المطبخ اهم شي من خشب و مجر و مفصلات و الفينش النهاءي للمنتج
    وحط تحت الفينش النهاءي دية مليون خط
    ٨- متفرحش بسعر مطبخ قليل افتكر ان فية لوح كونتر ب ٢٠٠ جنية وفية لوح ب ٦٥٠ جنية وفية مفصلة ب٥ جنية ومفصلة ٤٠ جنية ومجري درج من اول ٤٠ جنية لغايت ٧٠٠ جنية
    ٩- الاجهزة البلت ان مبتحرقش الخشب عشان تهويتها من الامام مش من جسم الجهاز زي الاجهزة الفري ستاند
    ١٠-فية وحدات تعليق مخصصة لوحدات المطبخ العلوية وليها تحكم في رجلاش الوحدة من الداخل ودية اكثر امان من وحدات التعليق التقليدية وافضلها بلوم و سميت
    ١١- الوحدات السفلية لازم تبقي علي رجول بها رجلاش عشان وحدات المطبخ السفلية تبقي علي ميزان مع وجود ميول بارضية المطبخ ويتم تغطيته
    بوزر استانلس
    ١٢-لو هتجيب ميكانزمات للمطبخ بول اوت او ماجيك كورنر بلاش التركي او الصيني غير عملي ومش مريح في الاستخدام وعمر افتراضي قليل....الالماني او الايطالي افضل
    ١٤- المفصلات hetch و blum الافضل للمطابخ وكذلك مجر الادراج
    ١٥- مفيش حاجة اسمها خصم ٣٠٪؜ او ٤٠٪؜ علي المطبخ المهم السعر مقابل قيمة المنتج وجودتة
    تحياتي
    مهندس/فيكتور يسي

    العنوان

    الشيخ زايد الحي التامن

    تابع على منصات التواصل
    المنطقة
    mood_bad
  • لا توجد تعليقات حالياً.
  • إضافة تقييم